Um myndina

Fyrsta mynd Tarrs. Spennan milli nýgiftu hjónanna Laci og Iren magnast meðan þau gera hvað þau geta til að finna sér eigin íbúð þegar húsnæðisskortur í Ungverjalandi er sem mestur. Þau eru föst heima hjá foreldrum hans í stúdíóíbúð. Myndin sýnir með táknrænum hætti áhrif kommúnistastjórnarinnar á líf Ungverja og við hvaða kringumstæður þjóðin neyðist til að draga fram lífið. Hér er ýmsum stílbrögðum beitt: samtölin eru í ætt við Robert Altman eða John Cassavetes, en sjónræni stíllinn minnir oft á tíðum á heimildamyndir.