Um myndina

Gerhard Steidl er fíkill á pappír og blek, svarar tölvupósti á faxi og fer aldrei í frí en samt er hann með fjögurra ára biðlista af verkum; fullkomnun tekur tíma. Hann er eftirsóttur og virtur um heim allan fyrir að búa til fegurstu listaverkabækur sem hugsast getur. Steidl notar hagnaðinn af margra ára vinnu og viðskiptum við Chanel, Günter Grass, Robert Frank og Karl Lagerfeld m.a. til að standa straum af útgáfu bóka með bestu ljósmyndurum heims í takmörkuðu upplagi. Stórkostleg myndataka afhjúpar skemmilegt og nákvæmt ferlið í skapandi samstarfi Steidl og listamannanna. Steidl er stöðugt á ferðinni milli London, Paris og New York, Vancouver og eyðimarka Qatar og í leiðinni gefur hann okkur rétt sem snöggvast tælandi og sjaldgæfa innsýn á heimili og vinnustofur frægra listamanna á borð við ljósmyndarana Robert Adams, Robert Frank og Jeff Wall.