Um myndina

Santiago og Elisa eru nýbúin að eignast sitt fyrsta barn og festa kaup á heimili uppi í sveit. Húsið, sveitin, víðáttan og nágrannarnir gera Elisu órólega. Hún hefur áhyggjur af hljóðum sem hún heyrir á kvöldin og nóttunni, af heimsóknum sem hún fær og flestu því sem á daga hennar drífur. Sambandi hjónanna fer hrakandi og ekki síður hugarástandi Elisu. Ofsóknaræðið nær tökum á henni og fyrr en varir lifir hún í sífelldum ótta um barnið sitt gagnvart öðru fólki, dýrum og fyrirvaralausum skapsveiflum.