Um myndina

7. ágúst 1974 gekk fransmaðurinn ungi Philippe Petit eftir stálvír sem hann hafði komið ólöglega fyrir milli tvíburaturnanna í New York. Klukkustund síðar var hann handtekinn, sendur í geðrannsókn, fangelsaður og að lokum látinn laus. Petit eyddi átta mánuðum í New York að skipuleggja gjörninginn sem hann hafði dreymt um í tæp sjö ár. Með hjálp vina sinna smyglaði hann þungum stálvírnum og allskyns búnaði framhjá öryggisgæslunni og kom honum fyrir að næturlagi. Í heimildamynd James Marsh lifnar ævintýri Petits við gegnum viðtöl við hann sjálfan og marga af samverkamönnum hans sem hjálpuðu til við að setja „listræna glæp aldarinnar“ á svið. Myndin hlaut Óskarsverðlaun sem besta heimildarmynd.