Um myndina

Leikstjórinn Spike Jonze leiðir saman hesta sína við kanadísku hljómsveitina Arcade Fire í 30 mínútna stuttmynd undir áhrifum af rómaðri plötu þeirra The Suburbs sem fjallar um stríð og uppvaxtarárin í úthverfunum. Handrit myndarinnar fylgir eftir innihaldi plötunnar og er skrifað í samvinnu af Jonze og Win og Will Butler sem eru meðlimir hljómsveitarinnar. Sögumaður býr í eyðilandi úthverfanna og reynir að setja saman brotakenndar minningar frá unglingsárunum og vinasamböndum sem síðar gliðnuðu.