Um myndina

Inni er önnur tónleikamynd Sigur Rósar. Í hinni vinsælu Heima
var hljómsveitin í faðmi íslenskrar náttúru, en í Inni er áherslan á
tónlistarflutninginn sjálfan. Heima var stór, áferðarfögur og litrík en Inni
er naumhyggjuleg og svart/hvít. Kvikmyndatakan skilur áheyrendur eftir
utan rammans og kemur þess í stað á beinu sambandi milli áhorfanda og
hljómsveitar, og skapar þannig tilfinningu jafnt fyrir nánd og innilokun.
Rafmagnað andrúmsloft tónleikanna er magnað með brellum sem
leikstjórinn Morisset beitir. Myndefnið var fært yfir á 16mm filmu sem var
síðan endurmynduð í gegnum prisma og aðra hluti héðan og þaðan. Þannig
fær myndin á sig blæ fortíðar, sem er gerður enn sterkari með myndbrotum
úr sögu hljómsveitarinnar allt aftur til ársins 1998. Samsláttur tveggja tíma
sýnir uppruna, þróun, frumleika og áhrif þessarar frábæru hljómsveitar.

22. september, 22:30 NASA