RIFF fréttir

Smelltu á “Meira”!

Alþjóðleg kvikmyndahátíð í Reykjavík og DHL á Íslandi hafa undirritað samkomulag um að DHL verði “opinber flutningsaðili” hátíðarinnar næstu þrjú árin.

Alda byltinga hefur farið um Mið-Austurlönd það sem af er þessu ári og sér ekki fyrir endann á þeirri atburðarrás. Til að reyna að varpa einhverju ljósi á tíðaranda og menningu landanna í Norður-Afríku og Mið-Austurlöndum mun RIFF bjóða upp á sérstakan flokk með myndum frá umræddum heimshluta. Myndirnar sem sýndar verða eru Babylon, No More Fear og 18 Dagar.

Heiðursverðlaun RIFF 2011 “ævistarf í þágu kvikmyndalistarinnar” (RIFF Honorary Award for Lifetime Achievement) hlýtur ungverski leikstjórinn Béla Tarr. Þrjár af myndum Tarr verða sýndar á hátiðinni, þar á meðal hans síðasta mynd, Hesturinn í Tórínó (2011), en Tarr lýsti því nýlega yfir að hann væri hættur kvikmyndagerð.

Heiðursgestur á Alþjóðlegri kvikmyndahátíð í Reykjavík 2011 er danska kvikmyndagerðarkonan Lone Scherfig. Hún hlýtur Heiðursverðlaun RIFF fyrir framúrskarandi listræna sýn. Verðlaun þessi verða veitt í nafni Frú Vigdísar Finnbogadóttur og mun afhending þeirra verða árlegur viðburður á RIFF héðan í frá.

Alþjóðleg kvikmyndahátíð í Reykjavík býður jafnan til kvikmyndatónleika meðan á hátíð stendur, og hafa ýmsir af vinsælustu tónlistarmönnum þjóðarinnar leikið lifandi tónlist meðan á sýningu kvikmyndar stendur. Í ár mun Skúli Sverrisson taka slaginn í Fríkirkjunni og Sóley Stefánsdóttir, oft kennd við hljómsveitina Seabear, mun einnig koma fram.

Alþjóðleg kvikmyndahátíð í Reykjavík hefur frá upphafi lagt metnað í að bjóða upp á áhugaverða sérviðburði meðfram kvikmyndasýningum í bíósölum. En með Bíói í iðrum jarðar er stigið skref í alveg nýja átt – og sú átt er “niður”.

Heimildarmyndin Force Of Nature: The David Suzuki Movie verður sýnd á RIFF 2011. Myndin er samantekt á ævi og hugmyndum kanadíska vísindamannsins og umhverfissinnans David Suzuki og er henni leikstýrt af Vestur-Íslendingnum Sturlu Gunnarssyni. Suzuki, sem er í fremstu röð vísindamanna á sínu sviði, heimsækir hátíðina af þessu tilefni.

Aðalmarkmið miðnæturdagskrár RIFF er að varpa ljósi á dekkri hliðar kvikmyndaheimsins og skjóta áhorfendum skelk í bringu sé þess nokkur kostur. Ein myndanna sem sýndar verða í miðnæturdagskránni í ár er nýjasta mynd bandaríska leikstjórans Kevin Smith. Nefnist hún Red State og er um Norðurlandafrumsýningu að ræða.

Leikkonan Gina Belafonte, dóttir goðsagnarinnar Harry Belafonte, hefur staðfest komu sína á Alþjóðlega kvikmyndahátíð í Reykjavík. Kemur hún í tengslum við sýningu myndarinnar Sing Your Song en myndin fjallar einmitt um söngvarann, leikarann, “calypso-kónginn” og mannréttindafrömuðinn Harry Belafonte.

Meðal gesta á Alþjóðlegri kvikmyndahátíð í Reykjavík 2011 verður breski leikstjórinn James Marsh. Verður af því tilefni sérstakur flokkur helgaður honum og myndum hans á hátíðinni í ár. Þar á meðal er hin víðfræga "Man On Wire".

Það er Alþjóðlegri kvikmyndahátíð í Reykjavík mikil ánægja að kynna Giorgio Gosetti, nýjan dagskrárstjóra Vitrana, keppnisflokks hátíðarinnar en hún fer fram í áttunda sinn dagana 22.september til 2. október. Hann tekur við af Grikkjanum Dimitri Eipides sem hefur gegnt stöðu dagskrárstjóra síðan 2005. Gosetti, sem er borinn og barnfæddur Feneyingur, á að baki langan feril í heimi kvikmynda og kvikmyndahátíða.

Eftir nokkur góð ár að Fríkirkjuvegi 1 hefur Alþjóðleg kvikmyndahátíð í Reykjavík flutt sig um set á nýjan stað að Tjarnargötu 12. Við höfum semsagt flutt okkur um set í miðborginni, úr gamla miðbæjarskólanum yfir í gömlu slökkvistöðina.

Alþjóðleg kvikmyndahátíð í Reykjavík (RIFF) og Norræna húsið kynna með stolti úrval eldri mynda leikstjóranna fimm sem tilnefndir eru til Norrænu kvikmyndaverðlaunanna 2010. Hér er komin kjörin leið til að hita upp fyrir afhendinguna sem fram fer í Reykjavík á menningarhátíðinni Ting sem hefst fimmtudaginn 28.október. Sýnd verður ein af eldri myndum hvers leikstjóra sem tilnefndur er í ár og fara sýningarnar fram í Bíó Paradís, dagana 29.október til 4. nóvember. 

Alþjóðleg kvikmyndahátíð í Reykjavík hefur frá upphafi beint kastljósi sínu til Norðurlandanna. Það er því viðeigandi að hátíðin bjóði upp á sérstaka dagskrá í tilefni Ting, norrænnar menningarhátíðar sem stendur yfir dagana 28.október til 7.nóvember í Reykjavík. Dagskrána má sjá með því að smella á "Meira".

Verðlaunaafhending RIFF fór fram í gær. Hér koma niðurstöðurnar:

Gyllti lundinn – aðalverðlaun RIFF

Fjögur skipti (Le Quattro Volte) er sigurvegari RIFF í ár. Myndin segir frá gömlum hjarðmanni sem eyðir ævikvöldinu í friðsælu miðaldaþorpi í fjallshlíðum Kalabríu á Ítalíu þar sem hann gætir geita. Myndin er ljóðræn sýn á hringrás lífs og náttúru, og órjúfanlegar hefðir á tímalausum stað.

RIFF, Alþjóðleg kvikmyndahátíð í Reykjavík, hefst þann 23. september næstkomandi. Hátíðin hefur alltaf lagt mikið upp úr þátttöku íslenskra kvikmyndagerðarmanna í dagskrá sinni, og í ár verða sýndar fjölmargar íslenskar stuttmyndir, heimildarmyndir og kvikmyndir í fullri lengd.

Tvær af stærstu listahátíðum landsins, RIFF, Alþjóðleg kvikmyndahátíð í Reykjavík, og tónlistarhátíðin Iceland Airwaves hafa ákveðið að leiða saman hesta sína og efna til samstarfs á kvikmyndahátíðinni nú í ár.

Samstarfið felst í því að heimildarmyndin Where's The Snow? sem fjallar um tónlistarhátíðina verður heimsfrumsýnd á RIFF nú í haust, auk þess sem einhverjir þeirra listamanna sem koma fram á Airwaves munu einnig koma fram á frumsýningunni.

Stuttmyndin Knowledgy eftir þær Hrefnu Hagalín og Kristínu Báru Haraldsdóttur verður frumsýnd á Íslandi á Alþjóðlegri kvikmyndahátíð í Reykjavík nú í haust. Um er að ræða einstaklega metnaðarfullt lokaverkefni úr Kvikmyndaskóla Íslands, en þær stöllur útskrifuðust þaðan í vor. Þær fengu hverja stjörnuna á fætur annarri til liðs við sig við gerð myndarinnar, en ber þar helstan að nefna bandaríska leikarann Leo Fitzpatrick sem fer með aðalhlutverkið.

Nýverið fékkst staðfest að franski kvikmyndagerðarmðurinn Vincent Moon verði sérstakur gestur á RIFF, Alþjóðlegri kvikmyndahátíð í Reykjavík, sem haldin verður dagana 23. september til 3. október næstkomandi. Moon er þekktastur fyrir sérstæðar tónleikaupptökur sínar, sem hann kallar Take Away Shows.