RIFF fréttir

Opnað verður fyrir innsendingu mynda fyrir RIFF 2012 í byrjun febrúar næstkomandi.Nánari upplýsingar um fyrirkomulag innsendingar verða settar hér á vefsíðuna þegar nær dregur.

Þrjár þeirra mynda sem tilnefndar eru til Óskarsverðlauna í ár sem besta erlenda kvikmyndin voru sýndar á RIFF 2011. Alls eru níu erlendar myndir tilnefndar í ár og var þriðjungurinn sýndur á Alþjóðlegu kvikmyndahátíðinni í Reykjavík í fyrra. Þetta eru "Superclásico" eftir danska leikstjórann Ole Christian Madsen,  "Pina" eftir þýska leikstjórann Wim Wenders og "A seperation" eftir íranska leikstjórann Asghar Farhadi. 

Hrönn Marinósdóttur, stjórnanda RIFF – Alþjóðlegrar kvikmyndahátíðar í Reykjavík, hefur verið boðið að taka sæti í aðaldómnefnd kvikmyndahátíðarinnar í Gautaborg, sem fram fer dagana 27. janúar til 6. febrúar.

Alþjóðleg kvikmyndahátíð í Reykjavík býður nú til sölu gjafabréf á næstu RIFF-hátíð. Þetta er ódýr og góð gjöf fyrir allt kvikmyndaáhugafólk. Gjafabréfin eru til sölu í verslunum Eymundsson um allt land.